काठमाडौं,
असार २६ ।
वेदु सारु मगरको स्वरमा रहेको गीत ‘तिमी निष्ठुरी हौ’ सार्वजनिक भएको छ । गायक मगर र दिनेश सुवेदीको संयुक्त शब्द तथा गायक मगरकै सङ्गीत रदिक्षित पौडेलको सङ्गीत संयोजन रहेको गीतको भिडियो सार्वजनिक भएको हो ।
गीतको भिडियोमा सुधीर श्रेष्ठ र रोशनी कार्की फिचर्ड हुनुहुन्छ । पवन सुस्लिङ्गको छायांकन र सम्पादन तथा स्वर्णिम थापाको कन्सेप्ट र निर्देशन रहेको भिडियोकी निर्माता सीता पोखरेल हुनुहुन्छ ।
गायक मगरको आधिकारिक च्यानल वेदु सारु मगरमार्फत भिडियो सार्वजनिक गरिएको छ । ‘भ्वाइस अफ टिन’को विजेता गायक मगरले यसअघि ‘डोली पियारी’, ‘तिमी नै त हौ’ लगायतका गीत सार्वजनिक गरिसक्नु भएको छ ।
