काठमाडौं,
पुष ५ ।
जल तथा मौसम पूर्वानुमान महाशाखाका अनुसार आज (शनिबार) पनि पश्चिमी वायूको प्रभाव पर्ने हुँदा देशका अधिकांश स्थानमा आंशिकदेखि सामान्य बदली हुने छ भने उच्च पहाडी तथा हिमाली क्षेत्रमा हल्कादेखि मध्यम हिमपात र वर्षा हुने सम्भावना छ ।
आज दिउँसो देशको पश्चिमि भूभागलगायत मध्य तथा पूर्वी पहाडी भुभागमा सामान्य वदली र अन्य स्थानहरुमा आंशिक वदली रहनेछ । देशका उच्च पहाडी र हिमाली भूभागमा हल्कादेखि मध्यम हिमपात र पहाडी भुूभागका एक दुइ स्थानमा हल्का वर्षा हुने सम्भावना रहेको जल तथा मौसम पूर्वानुमान महाशाखाले जनाएको छ ।
