मोफसलमा वीणा चलचित्र मन्दिरबाट बक्स अफिस शुरु

लालबन्दी,
जेठ १९ ।

उपत्यकामा बक्स अफिस प्रणाली शुरु भएको एक वर्ष भएको छ । यही बीचमा चलचित्र बिकास बोर्डले काठमाडौं उपत्यका बाहिर पनि बक्स अफिस प्रणाली शुचारु गरेको छ । आगामी साउनसम्म देशैभर बक्स अफिस सुचारु गर्ने नीति अनुसार सर्लाही जिल्लाको लालबन्दीमा रहेको वीणा चलचित्र मन्दिरबाट बक्स अफिसको औपचारिक उद्घाटन गरिएको हो ।

नेपाल सरकारका प्रवक्तासमेत रहेका सुचना तथा सञ्चार प्रविधी मन्त्री गोकुल बाँस्कोटाले अनलाईन टिकेटिङ प्रिन्ट गर्दै मोफसलमा बक्स अफिसको औपचारिक उद्घाटन गरेका हुन् । लालबन्दीको वीणा हलसँगै सर्लाही, महोत्तरी, पर्सासहित प्रदेश २ का १० वटा हलहरुमा बक्स अफिस सुचारु गरेको छ ।

बक्स अफिस शुचारुसँगै बक्स अफिसको सबै रिपोर्ट अनटाईम पाउन सकिने भएको छ। यो क्रमलाई ७ वटै प्रदेशमा साउन १ सम्म सुचारु गरिसक्न चलचित्र बिकास बोर्डका अध्यक्ष केशब भट्टराईले बताए ।

कार्यक्रममा प्रदेश नं २ का प्रदेश सभा सदस्य बेचु लुङ्गेली, चलचित्र बिकास बोर्डका सदस्य तथा बक्स अफिस प्रणालीका संयोजका नरेन्द्र महर्जन, निर्माता संघका अध्यक्ष आकाश अधिकारी, प्राबिधिक संघका अध्यक्ष पुष्कर लामा, जिल्ला प्रमुख अधिकारी द्रोण पोखरेल, जिल्ला समवन्य समितीका अध्यक्ष, लालबन्दी नगरपालिकाका मेयर मानबहादुर खड्का, उद्योग बाणिज्य संघ सर्लाहीका अध्यक्ष कल्याण जोशी, जिल्ला प्रहरी सर्लाहीका प्रमुख, चलचित्र बिकास बोर्डका सदस्य सचिब महेन्द्र साखी, नेकपा सर्लाहीकी संयोजक रेवती पन्त, बक्स अफिस प्रणालीका प्राबिधिक प्रतिनिधी नितेश गोर्खाली लगायतको उपस्थिती रहेको थियो ।

बक्स अफिस प्रणाली शुरु गरेको काठमाडौंका हलहरुलाई पनि साउन १ गते भित्र अनटाईमा डाटा पठाउन बोर्डका अध्यक्ष केशब भट्टराईले आग्रह गरेका छन् । सञ्चारमन्त्री बाँस्कोटाले काठमाडौंमै अत्याधुनिक ईन्डोर फिल्म शुटिङ्ग स्टुडियो निर्माणमा बोर्ड लाग्न पनि अनुरोध गरेका छन् ।

यसमा तपाइको मत

अन्य समाचार