काठमाडौं,
हेटौंडा २१ ।
राष्ट्रिय तेक्वान्दो संघ नेपाल जिल्ला कार्य समिति मकवानपुरको बैशाख २० गते बिहीबार भएको ९औं साधारण भेला तथा तेस्रो अधिवेशनबाट मदनकुमार श्रेष्ठको अध्यक्षतामा ११ सदस्यीय कार्य समिति गठन गरेको छ ।
जिल्ला खेलकुद विकास समिति मकवानपुरको सदस्य आलोक स्याङ्तानको प्रमुख आतिथ्यतामा भएको कार्यक्रममा हेटौंडा उपमहानगर पालिका-७ का सदस्य राधिका विकको विशेष आतिथ्यता, हेटौडा नगर खेलकुद विकास समिति सदस्य संगीता केसीको आतिथ्यता तथा राष्ट्रिय तेक्वान्दो संघ नेपालको केन्द्रीय सदस्य नारायण सिं थिङको उपस्थितिमा भेला सम्पन्न भएको थियोे ।
भेलाले उपाध्यक्षमा केशवबहादुर कार्की, राजकुमार थापा र भोजराज पराजुली, सचिव रवीन्द्र राई, सहसचिव रावणकिष्म राई, कोषाध्यक्ष दीपेन्द्र नेपाली, सदस्यहरू अनिता मिश्र, समीर भुजेल, ईश्वर कुमार श्रेष्ठ र जनक राईलाई चयन गरेको छ ।
भेलाले सन्देश गौतमको नेतृत्वमा सात सदस्यीय हेटौंडा नगर समितिसमेत गठन गरेको छ । जसमा उपाध्यक्ष अन्तेश्वर कापर, सचिव सन्तोष बस्नेत, कोषाध्यक्ष अभिषेक बानियाँ, सदस्य रिमेश अधिकारी, सुजन गोले र प्रकाश घिमिरे रहनुभएको छ ।
