काठमाडौं,
भदौ २८ ।
सोमबार थप १४ सय ८६ जनामा कोरोनाभाइरस (कोभिड-१९)को संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो समय १६ हजार ५३९ नमुना परीक्षण गर्दा एक हजार ४८६ जनामा कोरोना संक्रमण पुष्टि भएको हो ।
१२ हजार ५३२ जनाको पिसिआर नमुना परीक्षण गर्दा एक हजार १४९ जनामा र चार हजार सात जनाको एन्टिजेन नमुना परीक्षण गर्दा ३३७ जनामा कोरोना पोजेटिभ देखिएको हो ।
आइतबार ९ सय ११ र शनिबार ९ सय ९४ मा झरेको संक्रमितको संख्या सोमबार फेरि बढेको छ ।
सोमबार थप १२ सय ६० जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेहरूको संख्या सात लाख ४० हजार ७१७ पुगेको छ ।
पछिल्लो समय सक्रिय संक्रमितको संख्या २६ हजार ६३० रहेको छ । जसमध्ये २४ हजार ९५८ जना होम आइसोलेसनमा र १६ सय ७२ जना संस्थागत आइसोलेसनमा छन् ।
थप १६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ९६५ पुगेको छ ।
मन्त्रालयको अनुसार नेपालमा कोरोनाभाइरसको संक्रमणदर ८.९ प्रतिशत छ भने मृत्युदर १.५ प्रतिशत छ । मुलुकमा निको हुनेको दर ९५.२ प्रतिशत छ ।
