काठमाडौं,
जेठ १९ ।
जल तथा मौसम पूर्वानुमान महाशाखाले बुधबारको मौसम पूर्वानुमान जारी गर्दै हाल मुलुकभर पश्चिमी वायुको प्रभावले विभिन्न स्थानमा हावाहुरीसहित वर्षा हुन सक्ने जनाएको छ ।
पश्चिमी वायु, स्थानीय वायु र भारतको उत्तर प्रदेश तथा यसको आसपासमा रहेको न्यून चापीय क्षेत्रको प्रभावले हाल प्रदेश १ लगायत पहाडी भूभागमा आंशिक बदली भएको महाशाखाले उल्लेख गरेको छ ।
महाशाखाका अनुसार सोही प्रभावले आज दिउँसो र राति प्रदेश १ लगायत देशका पहाडी भू-भागका थोरै स्थानमा र तराई भूभागका एक दुई स्थानमा मेघगर्जन, चट्याङ र हावाहुरीसहित हल्का वर्षाको सम्भावना रहेको छ ।
शुक्रबारसम्म नै वर्षाको सम्भावना रहेको महाशाखाले आज बिहान ६ बजे जारी गरेको पूर्वानुमान बुलेटिनमा उल्लेख छ ।
