काठमाडौं,
वैशाख २७ ।

सत्तारुढ दल नेकपा एमालेका २८ जना सांसदहरू प्रतिनिधिसभाको बैठकमा अनुपस्थित रहेका छन् । सोमबार प्रधानमन्त्री केपी शर्मा ओलीले राखेको विश्वासको मतमाथि मत विभाजन हुँदा एमालेकै २८ जना सांसद अनुपस्थित भएका थिए ।

एमालेमा समानान्तर गतिविधि गरिरहेको माधव कुमार नेपाल समूहले सोमबार बिहानै प्रतिनिधिसभा बैठकमा अनुस्थित हुने निर्णय गरिसकेको थियो । सो निर्णय अनुसार एमालेका २८ जना सांसद अनुपस्थित भएका हुन् । पार्टीमा चर्किएको विवादका कारण उनीहरू बैठकमा अनुपस्थित भएका हुन् । सोमबार बिहानसम्म पार्टीको विवाद समाधान गर्ने विषयमा छलफल भए पनि छलफल सफल हुन सकेको थिएन । सामूहिक राजीनामा दिने बताएको माधव समूहले अन्तिममा बैठकमा अनुपस्थित हुने निर्णय गरेको थियो ।

एमाले संसदीय दलका प्रमुख सचेतक विशाल भट्टराईले आइतबार नै ह्वीप जारी गर्दै सम्पूर्ण सांसदहरुलाई उपस्थित हुन र प्रस्तावको पक्षमा मतदान गर्न भनेका थि ए। तर, उनीहरू अनुपस्थित भएपछि अब पार्टीले उनीहरुमाथि के कारबाही गर्छ त्यो भने हेर्न बाँकी रहेको छ ।

अनुपस्थित हुने सांसदहरू

१) योगेश भट्टराई

२) झलनाथ खनाल

३) पवित्रा निरौला खरेल

४) भवानी खापुङ

५) जयकुमार राई

६) यज्ञराज सुनुवार

७) गणेश पहाडी

८) विरोध खतिवडा

९) कृष्णलाल महर्जन

१०) माधवकुमार नेपाल

११) जीवनराम श्रेष्ठ