काठमाडौं,
साउन ६ ।
इस्लाम धर्मावलम्बीहरूको पर्व इद-उल-अजहाको अवसरमा नेपाली कांग्रेस तरुण विभागले शुभकामना व्यक्त गरेको छ । विभागले बुधबार एक बिज्ञप्ति जारी गर्दै शुभकामना व्यक्त गरेको हो ।
विज्ञप्तिमा नेपालमा बसोबास गर्ने इस्लाम समुदायको बृहत नेपालको एकीकरणमा महत्त्वपूर्ण योगदान रहेको उल्लेख गरिएको छ ।
तरुण विभाग प्रमुख शंकर भण्डारीद्वरा जारी विज्ञप्तिमा विश्वव्यापी महामारीको यस कठिन परिस्थितिमा सरकारले जारी गरेको स्वास्थ्य मापदण्डको पूर्ण पालना गरी पर्व मनाउन सम्पूर्ण ईस्लाम धर्मावलम्वीहरूमा आग्रहसमेत गरिएको छ ।
