चितवन,
फागुन २ ।
कलाकार स्वस्तिका लामिछानेको नेतृत्वमा चितवनमा बन्दै गरेको गौतमबुद्ध अन्तर्राष्ट्रिय क्रिकेट रङ्गशालाका लागी ४२ हजार ९ सय ५० रुपैंया सहयोग गरिएको छ । विश्वका बिभिन्न देशमा छरिएर रहेको नेपालीहरुले पठाएको रकम कलाकार स्वस्तिकाले धुर्मुस सुन्तली फाउण्डेसनका अध्यक्ष सिताराम कट्टेल (धुर्मुस)लाई हस्तान्तरण गरेकी छन् ।
स्वस्तिकाले निर्माणाधिन रङ्गशालामै पुगेर रकम हस्तान्तरणसँगै अवलोकन गरेकी थिइन् । ‘मैले पनि आफ्नो तर्फबाट केही गर्न सक्ने सहयोग गरेँ । साथै बिभिन्न ठाउँबाट सहयोग रकम पठाउनुहुने सम्पूर्णमा धन्यवाद दिन चाहान्छु’ स्वस्तिकाले भनिन् । रकम बुझेपछि धुर्मुसले सहयोग गर्ने सबैलाई रङ्गशाला निर्माणमा जोडिनुभएकोमा धन्यवाद ब्यक्त गरे ।
कलाकार स्वस्तिका लामिछाने केही चलचित्र, टेलिसिरियलमा काम गरेकी छिन् । उनले केहिसमय अघिसम्म नेपाल टेलिभिजनमा प्रसारण हुने ब्रेक फेलमा मुख्य कलाकार भएर काम गरेकी थिइन् । साथै चलचित्र ‘वडा नम्बर ६’, ‘छक्का पन्जा’मा पनि अभिनय गरिसकेकी छन् । यस्तै आउँदो चलचित्र ‘लक्का जवान’मा पनि उनको अभिनय देख्न पाइनेछ ।
कलाकार स्वस्तिका लामिछानेले हस्तान्तरण गरेको रकम निम्न सहयोगीदाताहरुबाट पठाइएको हो ।
USA को Maryland मा बसोवास गर्नुहुने
ईश्वरी पौडेल रु. १६,७४९/-
विजय ढकाल रु. ११,१६६/-
दिनेश पुन USA रु ७,८१६/-
रमेश (भारत) हाल USA रु. ५,५८३/-
स्वयम्भु स्थानीय मार्फत रु १,६३६/-
कुल रकम रु ४२,९५०/-
