काठमाडौं,
मंसिर १७ ।
लोकप्रिय गायिका सत्यकला राई अमेरिकामा दुई महिने लामो साङ्गीतिक यात्रा गरेर स्वदेश फर्किएकी छन् । अमेरिकाका बिभिन्न स्टेटमा आफ्नो प्रस्तुति दिएर उनी स्वदेश फर्किएकी हुन् ।
हाम्रो आवाज अनलाईन टि.भि.को प्रस्तुति नमस्ते कोलोराडो साङ्गीतिक साँझलगायत थुप्रै ठाउँमा उनले आफ्ना प्रस्तुति मार्फत स्रोता/दर्शकको मन जित्न सफल भएकी थिइन ।
त्यहाँ भएका विभिन्न कार्यक्रममा प्राज्ञ एवम् लोकप्रिय गायिका सत्यकला राईले ‘तिमीलाई हङकङ पुर्यायो…’लगायत आफ्ना दर्जन चर्चित गीत प्रस्तुत गरेकी थिइन ।
अमेरिकाको बिभिन्न स्थानमा साङ्गीतिक प्रस्तुति दिने क्रममा त्यहाँका नेपाली सङ्घ, संस्थाले उनलाई सम्मान समेत गरेका थिए ।
