भाग्यमानी लिएर आए हेमन्त (भिडियोसहित)

काठमाडौं,
पौष २१ ।

करिब डेढ दशकदेखि साङ्गीतिक क्षेत्रमा क्रियाशील हेमन्त कान्छा रसाइली नयाँ नेपाली गीतका साथ आएका छन् । म्युजिक नेपालले निकालेको ‘भाग्यमानी…’ बोलको गीतमा हेमन्तलाई देवी घर्ती, झलक संगीताम, टेकेन्द्र बोहरा, शर्मिला बीसी, प्रतिमा विश्वकर्मा र अमृता नेपालीले साथ दिएका छन् ।

गीतको रचनाकार सपना रसाइली र संगीत झलक सङ्गीतामको रहेको छ । गीतलाई धेरै दर्शक तथा स्रोताले मन पराएको हेमन्त बताउँछन् । ‘मौलक नेपाली बाजा र लोक फेभरका भएकाले गीत राम्रो बनेको छ । दर्शक र स्रोताले पनि मन पराइरहेका छन्,’ हेमन्तले भने ।

गीतको भिडियोमा श्रीप्रसाद थापा र रिना थापा मगरले अभिनय गरेका छन् । भिडियोको निर्देशन उमेश गुरुङले गरेका छन् ।

हेमन्तले २०६३ सालमा गाएको ‘काँचो सुन्तला…’ बोलको गीत निकै हिट भएको थियो । यसबीचमा उनले करिब दुई दर्जन गीत गाए । लोकगायनका साथै अहिले उनी कुशल सारङ्गी वादकका रूपमा पनि चिनिन्छन् ।

यसमा तपाइको मत

अन्य समाचार