लिटिल स्टारका प्रतियोगी प्रशिक्षणमा

काठमाडौं,
पौष १९ ।

बालबालिका सम्वन्धी सौन्दर्य प्रतियोगिता ‘लिटिल स्टार अफ द इयर २०१९’का ६५ प्रतियोगी अहिले प्रशिक्षणमा जुटेका छन् । थापाथलीस्थित होटल ब्लुबडमा उनीहरु प्रशिक्षण मार्फत आफुलाई निखार्न लागेका हुन् ।  राजधानीमा आयोजित १ सय २० सहभागी प्रारम्भिक चरणको अडिसनबाट यी ६५ प्रतियोगी छानिएका हुन् ।

प्रतियोगीले शिर्ष उपाधी चुम्दै आफ्नो भाग्य चम्काउने उद्देश्यले सोमबारबाट नियमित प्रशिक्षणमा जुटेका हुन् । प्रारम्भिक चरणको अडिसनमा सहभागी १ सय २० मध्यबाट अन्तिम चरणका लागि यी प्रतियोगी छानिन सफल भएका हुन् ।

प्रतियोगीलाई प्रशिक्षण मार्फत निखार्ने काम मोडल तथा अभिनेता दिक्पाल कार्की, कुन्ती मोक्तान, कलाकार बिरेन्द्र हमाल, तेन्जु योन्जन, सन्तोष भुजेललगायतले गरिरहेका छन् ।

प्रशिक्षणको क्रममा उनीहरुले सङ्गीत, गायन, नृत्य, ब्याक्तित्व विकास, सामाजिक उत्तरदायत्व, बालअधिकार, अनुसासन, पब्लिक स्पिकिङलगायत विषयको ज्ञान लिने प्रतियोगिताको कोडिनेटर गीता पुरीले जानकारी दिइन् । प्रतियोगीताको कोअडिनेटरमा अन्जु शर्मा, रस्मिना मट्टराई समेत रहेका छन्, भने सह कोअडिनेटरको रुपमा शुशान्तकाजी श्रेष्ठ रहेका छन् ।

बालबालिकाको प्रतिभा निखार्दै उनीहरुको सुनौलो भबिस्य निर्माणतिर अग्रसर गराउने उद्देश्यले केही बर्ष अगाडि एनोवेसन इवेन्ट म्यानेजमेन्टले यो प्रतियोगिता सुरु गरेको हो ।

७ देखि १४ बर्षसम्मका बालबालिकाले सहभागीता रहेको प्रतियोगितामा ७ देखि ९, १० देखि १२ र १३ देखि १४ गरि भिन्न भिन्नै तीन समहुको बिजेता छानिने आयोजक एनोवेसन इवेन्ट म्यानेजमेन्टका प्रवन्ध निर्देशक महेश केसीले जानकारी दिए ।

यसमा तपाइको मत

अन्य समाचार