वसन्त थापा मगरको ‘आमाले बोकेको भारी…’ सार्वजनिक (भिडियोसहित)

काठमाडौं,
भाद्र ५ ।

गायक, गीतकार तथा सङ्गीतकार वसन्त थापा मगरको नयाँ गीत ‘आमाले बोकेको भारी’को सार्वजनिक भएको छ । १६ वर्षदेखि अमेरिकामा बस्दै आएका उनले आमाको सम्झनामा यो गीत लेखेका हुन् । यसै वर्ष आमाको वार्षिकीका लागि नेपाल आएका बखत उनले गीत रेकर्ड गराएका थिए ।

समन अधिकारीले निर्देशन गरेको भिडियोमा सरोज खनाल, सुनिता उप्रेती, विकास लामिछाने र आरती लामाको अभिनय छ । भिडियोमा शिवराम श्रेष्ठको छायाँकन, विकास धमलाको सम्पादन छ । भिडियोमा रश्मी सिंहको सहायक निर्देशन छ ।

रेडियोमा गीत सुनेर गाउन थालेका वसन्त सङ्गीतको प्रारम्भमा रामेश र मन्जुलका गीत सुनेर गाउँदै हिँडे । उनले रामेश र अरिमका गीत धेरै सुने । मन्जुलसँग त गीत गाउनै हिडे । ललितपुरको इमाडोलमा जन्मिएका वसन्त हाल अमेरिकाको मेरिल्याण्डमा बस्छन् ।

‘राजा, नेता र जनता हामी सबैका एउटा न एउटा पिढीले भारी बोकेको छ । दुःख र त्याग गरेको छ र त आजका राजा दरबारमा रहन सके । नेता महल बनाउन सके । जनता राम्रो घर र ठाउमा रहन सके’, गीतको अर्थ खुलाउँदै वसन्तले भने, ‘अहिले पनि धेरै जनता गीतको मर्म जस्तै जीवन जीउन बाध्य छन । हामी बालक र युवा हुँदासम्म हाम्रा बाबा र आमा दुःखै गर्थे । पछि बिस्तारै सुख आउदै थिए सुख भोग नगर्दा बिती गए ।’

यसमा तपाइको मत

अन्य समाचार