डेजाभू लाउञ्ज प्रा.लि. द्वारा खण्डन

काठमाडौं,
माघ २५ ।

काठमाडौंको दरबारमार्गमा विगत केही वर्षदेखि सफलतापूर्वक सञ्चालनमा रहेको डेजाभू लाउञ्ज प्रा.लि. अनवरत रुपमा सञ्चालनमा रहेको सञ्चालकहरुले जनाएका छन् । बिहिबार लाउञ्जमै आयोजित पत्रकार सम्मेलनमा लाउञ्जका प्रवन्धक कृष्ण श्रेष्ठले पछिल्लो समय केही सञ्चारमाध्यमहरुमा डेजाभू लाउञ्जको नाम जोडेर गलत समाचारहरु सार्वजनिक भएकोमा दुःख लागेको भन्दै डेजाभू लाउञ्ज अनवरत रुपमा सञ्चालनमा रहेको जानकारी गराएका हुन् ।

पत्रकार सम्मेलनमा जारी गरिएको विज्ञप्तीमा जनाइए अनुसार डेजाभूको बिश्वराम श्रेष्ठसँग कुनै लेनदेन तथा कारोबार छैन । ‘स्वयं विश्वरामले डेजाभूसँग आवद्ध मनोज श्रेष्ठसँग मिलेर हुँदै नभएको कारोबारमा चेक लिएकाले त्यसबारेमा डेजाभू लाउञ्ज कम्पनि तथा यसका अन्य शेयरधनी सञ्चालकहरु जिम्मेवार छैनन्, विज्ञप्तीमा उल्लेख छ ।

डेजाभू लाउञ्ज कम्पनिका प्रवक्ता राजेश मल्लकाअनुसार कम्पनिको नियमावली अनुसार समेत यस कम्पनिले व्यक्तिगत रुपमा ऋण लिने प्रावधान नै छैन । ‘मनोज श्रेष्ठ र विश्वराम श्रेष्ठले गलत नियतले यस कम्पनिलाई अप्ठायारो पार्ने नियतले गरेको काम कारवाहीका विरुद्ध कम्पनि स्वयंले विश्वरामविरुद्ध ठगी, अपराधिक तथा विश्वासघात कारोबार गरेकाले थुनेर कारवाही गरी पाउ भनी यसअघि नै जोहेरी दर्ता गरिसकिएको छ । प्रवक्ता मल्लका अनुसार स्वयम् विश्वराम श्रेष्ठले आफुले गरेको कारोबार गलत भएकाले आफैंले हालेको मुद्दा आफैंले प्रमाणित गर्न सक्दिन भनि कायलनामा गरी उच्च अदालत, पाटनबाट मुद्दा समेत फिर्ता लिइसकेका छन् ।

लाउञ्जका प्रवन्धक श्रेष्ठले कम्पनिले हालसम्म व्यक्तिगत रुपमा कुनै पनि ऋण लिन नपाउने तथा नलिएको स्पष्ट पार्दै भनेका छन्–‘यो कम्पनि प्रकृयागत ढंगले कानूनी रुपमा सञ्चालित संस्था हो ।’

आफुले गरेको अपराधबाट जोगिन र कम्पनिका शेयरधनीहरुलाई आलोचना गर्दै प्रहरीहरुको समेत नाम समावेश गरी गलत मनशायले विभिन्न सञ्चारमाध्यममा समाचार प्रकाशित भएकोमा त्यसमा कुनै पनि सत्यता नरहेको स्पष्ट पार्न चाहेको लाउञ्जद्वारा जारी विज्ञप्तीमा उल्लेख छ ।

आफुले गरेको ठगीजन्य अपराधिक कार्यबाट जोगिन तथा लेनदेन बिना नै आफ्नो साथीसँग लिएको फर्जी चेकको रकम केही गरी साट्न सकिन्छ कि भन्ने मनशायले विभिन्न सञ्चारमाध्यमहरुमा डेजाभू क्लबको शाख गिराउने तथा कम्पनिलाई बदनाम गर्ने तथा गलत मनशायले विभिन्न प्रहरी अधिकृतहरुको नाम जोडेर समाचारहरु प्रकाशित भएकोमा त्यसउपर समेत कम्पनिले कानून बमोजिम कारवाही बढाएको जानकारी पत्रकार सम्मेलनमा गराइएको छ ।

यसैबीच, सन् २०१७ डिसेम्बर १३ का दिन डेजाभू लाउञ्जमा प्रस्तुति दिन आएका अमेरिकी डिजे मार्समेलोको कार्यक्रममा डेजाभू लाउञ्ज प्रा.लि.ले स्थान (भेन्यू) मात्र उपलब्ध गराएको पनि क्लबले स्पष्ट पारेको छ । ‘त्यसको सम्पूर्ण कानूनी जिम्मेवारी केटिएम लाइभका सञ्चालक रितेश मारवाडीले लिनु पर्छ, प्रवक्ता मल्लकाअनुसार उक्त कार्यक्रमका सम्पूर्ण टिकटहरु समेत तिनै कम्पनिले विक्रीगरि भोगचलन गरेका थिए ।

पत्रकार सम्मेलनको क्रममा मार्समेलोको कार्यक्रम उपर परेको ठगी मुद्दा हाल सम्मानित काठमाडौं जिल्ला अदालतमा विचाराधीन अवस्थामा रहेको जानकारी समेत गराइयो ।

‘राज्यको गरिमामय संगठन नेपाल प्रहरीका केही उच्च अधिकारीसँग साठगाठ रहेको भन्ने विषय सरासर बदनीयतपूर्ण, भ्रमपूर्ण, कपोलकल्पित तथा पूर्वाग्रही छ । राज्यको त्यत्रो गरिमामय संगठनका कर्मचारी परिचालन र सञ्चालन गर्ने हाम्रो हैसियत नै छैन, पत्रकार सम्मेलनमा वितरित विज्ञप्तीमा उल्लेख छ ।

जनताले राज्यको कानुनि दायरा भित्र रहेर गर्न पाउने ब्यापार ब्यबसायलार्इ सुरक्षित गर्न तथा कुनै पनि पुर्बाग्रहि बिना निसंकोच ब्यापार सञ्चालन गर्न पाउनु पर्ने जानकारी गराउन गराउइदै उक्त पत्रकार सम्मेलनमा आधारबिहिन भ्रमपूर्ण समाचारको समेत खण्डन गरेका छन् ।

यसमा तपाइको मत

अन्य समाचार