मङ्सिर १५मा मिस्टर एण्ड मिस फेस अफ द नेसनको अडिसन हुँदै

काठमाडौं,
कार्तिक २९ ।

आगामी मङ्सिर १५मा मिस्टर एण्ड मिस फेस अफ द नेसनको अडिसन हुने भएको छ । नेपालमानै पहिलो पटक युवा तथा युवतीहरुको लागि क्रियटिभ इन्साइट मिडिया प्रा.लि.ले मिस्टर एण्ड मिस फेस अफ द नेसन २०१८ (राष्ट्रका अनुहार) सौन्दर्य प्रतियोगिताको आयोजना गर्ने भएको हो ।

२०७५ मङ्सिर १५ गते शनिबार काठमाडौँको बागबजार यति प्लाजाको क्यापिटल फुड क्याफे (पध्मकन्या क्याम्पस अगाडी) पहिलो अडिसन हुने उक्त प्रतियोगिताको लागि अहिले क्रियटिभ इन्साइट मिडिया प्रा.लि. बागबजार यति प्लाजाको छैठौ तला बाट धमाधम फर्म वितरणको कार्य भईरहेको आयोजक सस्थाले जानकारी गराएको छ ।

सयौ सौन्दर्य प्रतियोगिताहरुमा निर्णायकको भूमिका निर्बाह गरेर सौन्दर्य प्रतियोगितामा लामो अनुभब बटुली सकेका सञ्चारकर्मी, कलाकार तथा क्रियटिभ इन्साइट मिडिया प्रा.लि.का अधक्ष्य सुर्य चन्दको आयोजनामा हुन लागेको यस प्रतियोगितमा मोडल तथा नर्सिङ डाइरेक्टर सिर्जना महत कार्यक्रम निर्देशक रहेकी छिन भने नरेश तन्डुकार कार्यक्रमको उप निर्देशक रहेका छन् ।

भबिष्यमा नेपालबाट अन्तर्राष्ट्रिय स्तरमा विभिन्न प्रतिस्प्रधाहरुमा प्रतिनिधित्व गराउने उद्दश्यले यस प्रतियोगिता गर्न लागिएको क्रियटिभ इन्साइट मिडिया प्रा.लि.का अधक्ष्य सुर्य चन्द बताउछन् ।

क्रियटिभ इन्साइट मिडिया प्रा.लि.ले आयोजना गर्न लागेको यस सौन्दर्य प्रतियोगितामा भाग लिन इच्छुक युवा तथा युवती प्रतियोगीहरुले क्रियटिभ इन्साइट मिडिया प्रा.लि.को कार्यालय बाट फर्म लिएर सहभागिता जनाउन सक्नेछन ।

प्रतियोगितामा भाग लिनको लागि १६ बर्ष देखि ३० बर्ष सम्मका तथा बिबाहित अबिबाहित दुवै युवा युवती प्रतियोगीहरुले भाग लिन पाउनेछन । उक्त प्रतियोगिताको बिजेताले राष्ट्रिय तथा अन्तर्राष्ट्रिय स्तरको प्रतियोगिता, स्टेज कार्यक्रममा भाग लिन पाउने सहित चलचित्र, म्युजिक भिडियो, मिडिया अन्तरबार्तामा समेत सहभागिता हुन पाउनेछन् । साथै बिजेतालाई रु २५हजार नगद सहित आकर्षक अन्य पुरस्कार समेत प्रदान गरिने आयोजकले जनाएको छ ।

प्रतियोगिताका लागि छनौट हुने प्रतियोगीहरुलाइ करिब एक महिना सम्म विशेष प्रशिक्षण प्रदान गरिने छ जसमा नेपालका ख्याति प्राप्त कोरियोग्राफर ट्रेनर बाट प्रतिस्पर्धिहरुलाई सञ्चार दक्षता, एमसिइङ, पब्लिक स्पिकिङ, व्यक्तित्व विकासको कक्षा, आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण दिनेछन् । प्रशिक्षणको क्रममा प्रतिस्पर्धिहरुलाई फिटनेस, सेल्फ मेकअप क्लास, फेशन क्लास सहित गतिविधीमा समेत सहभागि गराइने जानकारी आयोजक सस्थाले गराएको छ ।

इच्छुक प्रतियोगीहरुको लागि सम्पर्क: क्रियटिभ इन्साइट मिडिया प्रा.लि. यति प्लाजा बागबजार छैठौ तला (पिके क्याम्पस अगाडी) मोबाइल न. ९८५१०४३९३२, ९८५११७९२५० फेसबुक लिंक:- https://www.facebook.com/faceofthenationnepal

यसमा तपाइको मत

अन्य समाचार