ब्यवसायिक कोरियोग्राफीमा अन्तर्राष्ट्रिय पहिचान बनाउदै चाँदनी

सौन्दर्य प्रतियोगीता होस् वा फेसन शो । आयोजकको पहिलो रोजाइमा पर्ने कोरियोग्राफर हुन् चाँदनी लामिछाने । बिगत १० बर्ष अर्थात २००७ देखि मोडलिङ फिल्डलाई आफ्नो कर्मथलो बनाउदै आएकी उनले २००९ बाट ब्यवसायिक कोरियोग्राफी थालेकी हुन् ।

सन् २००७मा ब्यवसायिक मोडलका लागि आवश्यक प्रशिक्षण सहित यो क्षेत्रमा होमिएकी उनले सुरुका केही बर्ष र्याम्प सो, फेसन परेडलगायतमा आफुलाई सक्रिय राखिन् । यहि समय दर्जन हाराहारीका म्युजिक भिडियो अभिनय गरेकी उनले कान्तिपुर टेलिभिजनबाट प्रसारण भएको कलेज सिरियलमा समेत अभिनय गरेकी छन् ।

त्यसपछि केही अन्य सानोपर्दाको श्रृखला र केही चलचित्रमा सानोतिनो भुमिका निर्बाह गरेकी लामिछाने २००९ की सौन्दर्य प्रतियोगीता ‘मिस राजधानी’ बिजेता पनि हुन् । २००९ कै ‘मिस एण्ड मिष्टर राजधानी’ उनको कोरियोग्राफीको पहिलो सौन्दर्य प्रतियोगीता थियो ।

त्यसपछि ‘मिष्टर नेपाल’, ‘रन वे मोडल’ ,‘मिष्टर एण्ड मिस राजधानी’, ‘ नेपाल फेसन आइकन’लगायत थुप्रै सौन्दर्य प्रतियोगीतामा कोरियोगाफरको जिम्बेवारी निर्बाह गर्दै आएकी उनी पछिल्लो समय दर्जन बढी सौन्दर्य प्रतियोगीतामा आवद्ध रहदै आएकी छन् ।

पुरुषहरुको सौन्दर्य प्रतियोगीता समेत सम्हाल्ने एकमात्र महिला कोरियोग्राफरमा आफ्नो नाम दर्ज गराउन सफल उनी बिभिन्न अन्तर्राष्ट्रिय कार्यक्रमसँग पनि आवद्ध छिन् । सार्क कल्चर एसोसियसनले केही पहिले आयोजना गरेको अन्तर्राष्ट्रिय कल्चरल अवार्डमा समेत पुरस्कार पाउन सफल उनी नेपाल राष्ट्रिय मोडलिङ संघबाट समेत बेलाबेलामा बिभिन्न सम्मानबाट सम्मानित हुन सफल छिन् । मिस्टर टिन एसिया प्यासिफिक कार्यक्रमसँग समेत आवद्ध उनले आफूलाई बिभिन्न फेसन सो, फेसन परेडमा पनि आवद्ध राख्दै आएकी छन् ।

नेपालमा कोरियोग्राफरको भबिश्यमा राम्रो भएपनि संख्यामा बृद्धी हुन नसकेको गुनासो गर्ने उनी समाजले कोरियोग्राफरलाई सकारात्मक दृष्टीले हेर्ने गरेको बताउँछिन् । कोरियोग्राफीको तुलनामा मोडलिङ पेसा राम्रो नभएको बताउने उनी कोरियोग्राफरको पारिश्रमीक र इज्जत मोडलिङको तुलनामा राम्रो भएको सुनाउछिन् ।

पर्सनालीटी डेभलपलगायत भबिस्य निर्माणका लागि आवश्यक बिभिन्न प्रशिक्षण कोरियोगाफी भित्र पर्ने बताउने उनी यो प्रशिक्षणले जीवन अगाडि बढाउन सहज हुने तर्क गर्ने गरेकी छन् ।

थुप्रै नर्मल मानिसलाई कोरियोग्राफी मार्फत अन्तर्राष्ट्रिय क्षेत्रमा नेपालको प्रतिनिधित्व गर्न सक्ने समेत बनाएकी चाँदनी अहिले आफ्नो कोरियोग्राफी अन्तर्राष्ट्रिय स्तरमा पुर्याउने कसरतमा छिन् ।

देशको कलासंस्कृति बिदेशका बिभिन्न मुलुकमा पुर्याउने उद्देश्यका साथ आफुले अन्तर्राष्ट्रिय कोरियोग्राफी थालनी गरेको उनी बताउँछिन् । मोडलिङ उद्योेगलाई अन्तर्राष्ट्रिय स्तरमा लैजाने उनको लक्ष्य रहेको छ ।

प्रस्तुतिः कुवेर गिरी

यसमा तपाइको मत

अन्य समाचार